|
Y Bwrdd Rheoli |
|
Lleoliad: |
Ystafell Gynhadledd 4B - Tŷ Hywel |
|
|
||
|
Dyddiad: |
Dydd Iau, 12 Mai 2016 |
|
|||
|
Amser: |
10.30 - 12.30 |
|
|||
|
|
|||||
|
|
|||||
|
Cofnodion: MB (05-16) |
|||||
|
|
|
|
|||
|
Aelodau’r Pwyllgor: |
|
Claire Clancy (Prif Weithredwr a Chlerc) (Cadeirydd) Adrian Crompton (Cyfarwyddwr Busnes y Cynulliad) Anna Daniel (Pennaeth Trawsnewid Strategol) Non Gwilym (Pennaeth Cyfathrebu) Elisabeth Jones (Cyfarwyddwr y Gwasanaethau Cyfreithiol) Nia Morgan (Pennaeth Gwasanaethau Ariannol) Mark Neilson (Pennaeth TGCh) Mair Parry-Jones (Pennaeth y Gwasanaeth Cyfieithu a Chofnodi) Kathryn Potter (Pennaeth y Gwasanaeth Ymchwil) Mike Snook (Pennaeth Pobl a Lleoedd) Craig Stephenson (Cyfarwyddwr Gwasanaethau’r Comisiwn) Dave Tosh (Cyfarwyddwr Adnoddau'r Cynulliad) Chris Warner (Pennaeth Gwasanaeth y Pwyllgorau Polisi a Deddfwriaeth) Siân Wilkins (Pennaeth Gwasanaeth y Siambr a Phwyllgorau) |
|||
|
|
|
||||
|
|
|
|
|||
|
Staff y Pwyllgor: |
|
Liz Jardine (Secretariat)
|
|||
|
|
|
||||
|
|
|
|
|||
|
Eraill yn bresennol: |
|
Gareth Watts (Pennaeth Dros Dro Llywodraethu ac Archwilio) Lowri Williams (Pennaeth Adnoddau Dynol) Sulafa Thomas (Pennaeth Ysgrifenyddiaeth y Comisiwn a Throsglwyddo i'r Pumed Cynulliad) |
|||
|
|
|
||||
1 Cyflwyniadau, ymddiheuriadau a datganiadau o fuddiant
Ni chafwyd unrhyw ymddiheuriadau.
Ni chafwyd datganiadau o fuddiant.
Cydnabu'r Bwrdd ymddeoliad Mike Snook a dymunodd yn dda iddo, gan gytuno y byddai colled fawr ar ei ôl.
2 Nodyn cyfathrebu i staff - Craig Stephenson
Bydd Craig Stephenson yn drafftio nodyn ynghylch trafodaethau’r Bwrdd Rheoli ar gyfer y dudalen newyddion.
3 Cofnodion y cyfarfod diwethaf - 14 Ebrill
Cytunwyd bod cofnodion cyfarfod y Bwrdd Rheoli a gynhaliwyd ar 14 Ebrill yn gofnod cywir.
4 Trafodaeth yn dilyn yr etholiad
Ystyriodd y Bwrdd etholiad y Cynulliad a dyddiau cynnar y Pumed Cynulliad, gan gynnwys cyfarfodydd cychwynnol gyda'r Llywydd newydd. Rhoddodd Aelodau newydd ac Aelodau a ailetholwyd adborth cadarnhaol iawn ynghylch y croeso cyfeillgar a phroffesiynol a'r trefniadau tyngu llw a gawsant.
5 Dangosfwrdd pontio i'r Pumed Cynulliad - Mai 2016
Nododd y Bwrdd y dangosfwrdd pontio terfynol a chytunwyd pa mor dda y gweithiodd pawb i gyflawni cymaint.
6 Strategaeth y Comisiwn 2016-2021
Adolygwyd drafft pellach o'r strategaeth i sicrhau'r Bwrdd ei bod yn adlewyrchu'r trafodaethau, yn gysylltiedig â'r gyllideb ac yn dangos y lefel gywir o uchelgais, gan sicrhau parhad ar yr un pryd. Trafododd y Bwrdd rai mân newidiadau, ond cytunwyd bod y drafft yn dda fel arall.
Bydd y strategaeth yn cael ei chyflwyno i gyfarfod y Comisiwn ar 30 Mehefin.
Cytunwyd na fyddai papurau drafft y Comisiwn yn cael eu cyhoeddi'n fewnol ac y byddai Dave Tosh yn egluro Cylch Gorchwyl y Bwrdd Rheoli.
7 Adroddiad blynyddol a chyfrifon 2015-16
Roedd yr Adroddiad blynyddol a'r cyfrifon ar fin cael eu cwblhau a gofynnwyd i'r Bwrdd roi gwybod am unrhyw sylwadau erbyn hanner dydd 13 Mai, cyn i'r drafft terfynol gael ei anfon i Swyddfa Archwilio Cymru ei adolygu. Rhoddodd y Bwrdd ganmoliaeth i Nia Morgan a'r tîm Cyllid, Chris Warner ac eraill am eu gwaith ar yr adroddiad.
8 Diweddariad Dangosfwrdd Adnoddau Dynol
Gwelodd y Bwrdd gopi o’r Dangosfwrdd Adnoddau Dynol i'w nodi ac fe'i hysbyswyd y byddai trafodaeth lawn ar reoli absenoldeb yn cael ei chynnal yng nghyfarfod y Bwrdd ar 20 Mehefin. Nid oedd lwfansau wedi'u cynnwys yn y dangosfwrdd oherwydd y cytunwyd i gadw'r dangosfwrdd yn syml. Fodd bynnag, roedd hyn yn rhan o'r trafodaethau rhwng Partneriaid Busnes Adnoddau Dynol a Phenaethiaid Gwasanaeth.
9 Adroddiad Rheolaeth Ariannol - Ebrill 2016
Hefyd, derbyniodd y Bwrdd yr adroddiadau Cyllid ar gyfer mis Mawrth a mis Ebrill i'w nodi. Dywedodd Nia Morgan wrth y Bwrdd fod costau'r etholiad o fewn y gyllideb o hyd, gan ddisgwyl costau diswyddo staff cymorth Aelodau'r Cynulliad, nad oeddent ar gael eto.
Cloi'r cyfarfod
10 Unrhyw Fusnes Arall
Er mwyn symud ymlaen â phrosiect y system gyllid, gofynnwyd i'r Bwrdd roi adborth ar y strwythur codio i Lisa Bowkett cyn gynted â phosibl.
Cyhoeddodd y tîm Ymchwil ai adroddiad 'Materion o Bwys' heddiw.
Gofynnodd Claire Clancy i'r Penaethiaid ddiolch i'w timau a rhoi gwybod iddynt ei bod yn falch iawn o'u gwaith mewn perthynas â'r gwaith o bontio i'r Pumed Cynulliad.
Cynhelir cyfarfod nesaf y Bwrdd Rheoli ar 20 Mehefin.